सरकारद्वारा उत्कृष्ट विद्यालय घोषित

प्रकाशित मिति :2018-02-11 12:20:38

काठमाडौं / २८ माघ— आइतबार शिक्षा मन्त्रालयले यसवर्षको उत्कृष्ट विद्यालयलाई प्रदान गर्ने पुरस्कार वितरण गरेको छ । ३५ हजार विद्यालयमध्येबाट सामुदायिक र निजी गरी २० वटा विद्यालयलाई नतिजाको आधारमा उत्कृष्ट पुरस्कार प्रदान गरेको हो ।
सामुदायिकतर्फ माध्यमिक शिक्षा उत्तीर्ण परीक्षा १२ को नतिजाको आधारमा काठमाडौं त्रिपुरेश्वरको विश्व निकेतन माविले राष्ट्रिय पुरस्कार पाएको छ । ११ र १२ कक्षा सञ्चालन गर्ने २ हजार ७ सय सामुदायक विद्यालयलाई यो विद्याययले पछाडि पारेको हो । यो विद्यालयलाई मन्त्रालयले २ लाख नगद, राष्ट्रिय सिल्ड, ध्वजा र प्रमाणपत्र प्रदान गरेको छ ।
त्यस्तै बुटवलको कालिका माध्यमिक विद्यालय कक्षा १० को नतिजाको आधारमा उत्कृष्ट ठहरिएको छ । प्राविधिक धारतर्फको राष्ट्रिय पुरस्कार यो विद्यालयले प्राप्त गरेको छ । राष्ट्रिय पुरस्कार पाउने विद्यालयलाई दुई लाख नगद, राष्ट्रिय शिल्ड, ध्वजा, प्रमाणपत्र प्रदान गरिएको छ । कक्षा १२ को नतिजाको आधारमा निजी विद्यालयतर्फ काठमाडौं मोडल स्कुलले राष्ट्रिय पुरस्कार पाएको छ । शिक्षामन्त्री गोपालमान श्रेष्ठले १० कक्षाको नतिजाको आधारमा विराटनगरको बालकल्याण विद्या मन्दिरलाई पुरस्कार प्रदान गरेका हुन् ।
मन्त्रालयले प्रदान गर्ने प्रदेशस्तरीय माध्यमिक विद्यालयमा सामुदायिकतर्फ कक्षा १० को नतिजाको आधारमा प्रदेश १ बाट बरुणेश्वर माध्यमिक विद्यालय ओखलढुङ्गा, प्रदेश २ बाट ओम माध्यमिक विद्यालय रौतहट, प्रदेश ३ बाट चितवनको नारायणी मोडल माध्यमिक विद्यालय, ४ बाट पोखराको बालमन्दिर माध्यमिक विद्यालय, प्रदेश ५ बाट बुटवलको श्रीकान्ति माध्यमिक विद्यालय, ६ बाट कालिकोटको मस्टो सरस्वती माध्यमिक विद्यालय र प्रदेश ७ बाट डोटी उच्चकोटको सीताराम माध्यमिक विद्यालयले पुरस्कार पाएको हो । प्रदेशको उत्कृष्ट विद्यालयले एक लाख रुपैयाँ नगद, प्रदेशिक शिल्ड, ध्वजा र प्रमाणपत्र पाएको छ । हुम्ला यलवाङ्गका महाबुद्ध माध्यमिक विद्यालयले दुर्गम क्षेत्रको उत्कृष्ट पुरस्कार पाएको छ । यो पुरस्कार एक लाख रुपैयाँको हो । मन्त्रालयले अघिल्ला तीन वर्षका परीक्षामा प्राप्त नतिजा विश्लेषण, परीक्षामा सहभागी विद्यार्थी संख्या तथा तहअनुसार अध्यापन गराइएका विषयका आधार मानेर विद्यालय छनोट गरिएको दाबी गरेको छ । प्रदेश नम्बर १, २, ३, ४, ५, ६ र ७ बाट क्रमशस् विराटनगरको एभरेस्ट बोर्डिङ स्कुल, रौतहटको मुनलाइट एकेडेमी, ललितपुरको जेम्स एकेडेमी, पर्वतको नमुना मावि, गोरखाको युनाइटेड पब्लिक स्कुल, सुर्खेतको छिन्छु इङलिस बोर्डिङ स्कुल र कञ्चनपुरको इन्टरनेसनल पब्लिक स्कुल रहेका छन। प्रदेशस्तरमा छानिएका सबै विद्यालयलाई सिल्ड, प्रमाणपत्र र नगद १ लाख रुपैयाँ प्रदान गरिएको छ ।
३८ औं राष्ट्रिय शिक्षा दिवसका पुरस्कार अदालतमा मुद्दा परेपछि रोकिएको थियो । जुन आइतबार गरेको हो । अदालतले रिट खारेज गरेपछि यो कार्यक्रम गरेको हो । शिक्षा दिवसमा पुरस्कृत हुने विद्यालयको छनौट प्रक्रियामा विरोध गर्दै ललितपुरको प्रसादी एकेडेमीका तर्फबाट विक्रम राईले मुद्दा दायर गरेका थिए ।

 

 

 

    Comment Here!

Related NEWS
मुख्य खबर

कक्षाकोठामा प्रवेश गरी प्रिन्सिपलकाे हत्या

काठमाडौं/२९ असोज– भारतको नयाँ दिल्लीको अग्रहरा दसरहल्ली उपनगरमा रहेको हवानुर पब्लिक स्कुलमा कक्षा कोठमा पढाउँदै

एमबीबीएस अध्ययन शुल्क नबढाने

काठमाडौं/२९ असोज– सरकारले एमबीबीएस अध्ययनको शुल्क नबढाउने निर्णय गरेको छ । आईतबार बसेको मन्त्रिपरिषद्को बैठकले

Read more
ताजा अपडेट
Optimization WordPress Plugins & Solutions by W3 EDGE