विद्यार्थी संख्या कम हुँदा विद्यालय बन्द

प्रकाशित मिति :2018-05-14 07:25:50

काठमाडौं/बैशाख ३१– रुकुमको सदरमुकाम मुरीकोट नगरपालिका वडा नं ४ कोटचौताराको भगवती आधारभूत विद्यालय विद्यार्थी अभावका कारण बन्द भएको छ ।
नयाँ शैक्षिकसत्रमा सुरु भएको १ सातासम्म पनि विद्यार्थीहरु भर्ना हुन नआएपछि विद्यालय बन्द गरिएका हो । स्थानीयबासीका अनुसार विद्यालयको पढाई गुणस्तरीय नभएकाले विगतका वर्षहरुमा विद्यार्थी संख्या कम भएको थियो ।
कोटचौताराका विद्यार्थी वडा नं ५ सेरी गाउँमा रहेको यमुना नन्द माध्यमिक विद्यालयमा भर्ना हुने गरेका छन् । विद्यालयकी शिक्षिका यमुना चन्दका अनुसार विद्यालय समायोजन हुने हल्ला गर्दा यहाँका विद्यार्थी छिमेकी विद्यालयमा भर्ना हुन गएको हुन् ।
नगर शिक्षा समितिका शाखा अधिकृत विनाराम खड्काका अनुसार विगतमा नक्सांकन नगरी धमाधम विद्यालय सञ्चालन गर्दा विद्यालय बन्द हुने अवस्था आएको हो । अधिकृत खड्काले विद्यालयलाई समायोजन प्रक्रियामा लिने बताए ।
२०५२ सालमा स्थापना गरिएको यो विद्यालयमा बालविकासदेखि कक्षा ५ सम्म पठनपाठन हुँदै आएरहेको थियो । विद्यालयमा प्राथमिक तहका स्थायी दरबन्दी ३, बालविकास केन्द्रका लागि १ र कार्यालय सहयोगी १ कार्यरत रहेका थिए । विद्यालयमा यसवर्ष बालविकास केन्द्रमा ५ जना मात्र बालबालिका भर्ना भएका छन् ।

 

 

 

    Comment Here!

Related NEWS
मुख्य खबर

प्रदेश नं. १ का सामूदायिक विद्यालय प्रविधिमैत्री बनाइने

काठमाडौं/३ माघ– प्रदेश नं.१ का सामूदायिक विद्यालयमा प्रविधिमैत्री शैक्षिक गुणस्तर सुधार कार्यक्रम सुरु गरिने भएको

परीक्षाकेन्द्र सार्वजनिक, केन्द्रसहित

काठमाडौं/३ माघ– त्रिभुवन विश्वविद्यालय व्यवस्थापन संकायले एमएचएम, एमटीटीएम, एमबीएम र एमबीएईको प्रवेश परीक्षाको परीक्षाकेन्द्र सार्वजनिक

Read more
ताजा अपडेट
Optimization WordPress Plugins & Solutions by W3 EDGE