उत्तरी धादिङमा ९ विद्यालयको पुननिर्माण सम्पन्न

प्रकाशित मिति :2018-05-16 06:02:10

काठमाडौं/जेठ २–उत्तरी धादिङ जिल्लाको खनियाँबास गाउँपालिका वडा नम्बर १ र २ मा रहेका ९ वटा विद्यालय पुननिर्माण सम्पन्न भएको छ । ३ करोड ४ लाख २२ हजार रुपैयाँको लागतमा ९ वटा विद्यालयको भवन निर्माण गरिएको छ ।
भूकम्प गएको ३ वर्षपछि विद्यालय पुननिर्माणको काम सम्पन्न हुँदा विद्यार्थी, शिक्षक तथा अभिभावकहमा खुसी छाएको छ । भूकम्पले विद्यालय भत्किएपछि अस्थायी टहरा र खुल्ला चौरमा बसेर विद्यार्थीहरु पढ्न बाध्य भएका थिए ।
युनाइटेड मिसन टु नेपाल धादिङको साझेदारीमा हिमालय सामुदायिक मुक्ति समाज हिम्स नेपालले गाउँपालिकाको वडा नम्बर १ र २ मा रहको ९ वटा विद्यालयमा ११ वटा भवन निर्माण गरेको हो ।
हिम्स नेपाल धादिङका अध्यक्ष जीवन तामाङले विद्यालयको भवन अभावमा खुल्ला चौर तथा अस्थायी टहरामा पढ्न बाध्य विद्यार्थीहरुको अवस्था देखेर विद्यालय भवन निर्माण गरेको बताए ।
युनाइटेड मिसन टु नेपाल धादिङले री, शेर्तुङ र तिप्लिङमा ८ वटा विद्यालयमा १८ वटा विद्यालय भवन निर्माण गर्दैछ तर सडक सञ्जाल नपुगेकाले समस्या देखिएको छ ।

    Comment Here!

Related NEWS
मुख्य खबर

२०७५/०७६ मा यस्तो छ शिक्षा सम्बन्धी नीति तथा कार्यक्रम (हेर्नुहोस १७ बुँदामा)

काठमाडौं/सरकारले सबै विश्वविद्यालयलाई सेन्टर फर एक्सिलेन्सका रुपमा विकास गर्ने भएको छ । सोमबार संघीय व्यवस्थापिका

३७७ जना विद्यार्थीले पाए अभिभावक

काठमाडौं/सरकारले सञ्चालन गरेको भर्ना अभियान अन्तर्गत मुलुकभरबाट ३७७ जना विद्यार्थीले अभिभावक पाएका छन् । शिक्षा,

Read more
ताजा अपडेट
Optimization WordPress Plugins & Solutions by W3 EDGE