आज भानु जयन्ती, के हुन् भानु

प्रकाशित मिति :2018-07-13 05:35:10

काठमाडौं/असार २९– नेपालको साहित्य क्षेत्रमा ठूलो योगदान पु¥याउने आदि कविको सम्झनाका गर्दै अाज २०५ अाैं भानु जयन्ती मनाईंदैछ ।Image result for भानु जयन्ती

कवि गोपाल पौडेले आषाढ २९ गते भानुभक्त आचार्यको जन्म जयन्ती मनाउने आह्वान गरेपछि वि.सं. २०१२ सालदेखि भानुभक्त जयन्ती मनाउन थालिएको हो । त्यसवर्ष देखि हरेक वर्ष आषाढ २९ गतेका दिन नेपाल तथा भारतमा भव्यताका साथ भानु जयन्ती मनाइन्छ । विशेष गरी विद्यालयहरुमा भानु जयन्तीका अवसरमा कविता वाचन तथा लेखन प्रतियोगिताको आयोजना हुने गर्दछ ।
को हुन् भानु ?
उनी नेपाली साहित्यका प्राथमिक कालका प्रतिनिधि कवि हुन् । उनीले वाल्मीकिद्धारा संस्कृतिमा लेखेको रामायणलाई नेपाली भाषामा अनुवाद गरी नेपाली भाषाको विकास गरेका थिए ।
उनको जन्म नेपालको तनहुँ जिल्लाको चुँधी रम्घा भन्ने ठाउँमा वि.सं. १८७१ असार २९ गते धनञ्जय आचार्य र धर्मावतीदेवीका छोराका रुपमा भएको थियो । उनका हजुरको नाम श्रीकृष्ण आचार्य हो । उनले हजुरबाबाटै शिक्षा पाएका थिए भने उनी सानैदेखि नेपाली भाषाको कवितामा बोल्थे, कवितामा गाउँथे र नाच्थे ।
उनीले घाँसीबाट जीवनमा केही गर्नुपर्छ भन्ने प्रेरणा पाएका थिए । घाँसीले घाँस काटेर पाटी पौवा बनाउने इच्छा राखेको देखेर भानुभक्तले पनि केही न केही गरी नाम कमाउनुपर्छ भनि प्रेरणा पाएको भनाइ छ । उनले नेपाली साहित्य क्षेत्रमा पु¥याएको योगदानको कदर गर्दै नेपालको पहिलो कवि नभएपनि उनलाई आदिकविको उपाधिद्धारा सम्मान गरिएको छ । उनका कृतिहरु प्रश्नोत्तर, वधूशिक्षा, भक्तमाला र रामायण हुन् । बहुआयामिक व्यक्तित्व उनीले संस्कृत भाषामा लेखिएको अध्यात्मरामायणलाई नेपाली भाषामा मात्र लेखेनन् कि छन्दगत विविधता पनि मिसाएका छन् । उनले रामायणमा शिखरिणी, मन्दाक्रान्ता, वंशस्थविलं, मालिनी, स्रग्धरा सहित १३ वटा शास्त्रीयछन्द प्रयोग गरेको छन् । उनीले रामायणमा शार्दूलविक्रीडित छन्दलाई सबैभन्दा बढी प्रयोग गरेका छन् ।
आशुकवित्वका गुण भएका भानुभक्त आचार्यलाई सबैको सामु चिनाउने काम भने कवि मोतिराम भट्टले गरेका थिए । भानुभक्त साहित्यिक यात्रामा मात्र थिएनन, उनी ज्योतिषशास्त्र पनि जान्थे । यस्ता महान कविलाई हरेक वर्ष भानु जयन्ती भानु जयन्तीका दिन सम्झने गरिन्छ । साहित्यीक स्रष्टाहरुको तर्फबाट पनि विभिन्न कार्यक्रमहरु गरी भानु जयन्ती मनाइन्छ । प्रज्ञा प्रतिष्ठा भवन कमलादीमा यसदिन विशेष र भव्य कार्यक्रमको आयोजना हुने गरेको छ । यस कार्यक्रममा विभिन्न स्कुलका विद्यार्थीहरु सहभागी हुनुका साथै कविता वाचन, नाटक प्रस्तुत गरिन्छ ।

    Comment Here!

Related NEWS
मुख्य खबर

सीसीएसकाे स्कुल बस दुर्घटना हुँदा ५९ विद्यार्थी घाइते

काठमाडौं/४ साउन– काठमाडौंको मूलपानीमा रहेको क्रिश्चियन कम्युनिटी (सीसीएस) विद्यालयको स्कुल बस दुर्घटना हुँदा ५९ जना

बहिरा विद्यार्थीहरुलाई शैक्षिक सामाग्री वितरण

काठमाडौं/४ साउन–काठमाडौंको नक्सालमा रहेको केन्द्रीय बहिरा माध्यमिक विद्यालयमा बिहिबार कतार च्यारिटीले शैक्षिक सामाग्री वितरण गरेको

Read more
ताजा अपडेट
Optimization WordPress Plugins & Solutions by W3 EDGE