अब प्रावि र निमावीले पनि अनुदान पाउने

प्रकाशित मिति :2018-07-18 09:22:34

काठमाडौं/२ साउन– शिक्षा विभागले सामुदायिक विद्यालयको सिकाइ सुधारका लागि अनुदान उपलब्ध गराउने भएको छ ।

विभागले मुस्ताङ र मनाङ बाहेकका जिल्लाहरुमा अनुमति प्राप्त गरी सञ्चालनमा रहेका तर हालसम्म कुनै पनि शिक्षा दरबन्दी/राहत अनुदान प्राप्त नगरेका वा एकजना मात्र दरबन्दी/राहत प्राप्त गरेका सामुदायिक विद्यालयहरुमा शिक्षण सिकाइ सुधारका लागि अनुदान दिने भएको हो ।

विभागले यसअघि माध्यमिक तहमा मात्र शिक्षण सिकाइ सुधारका लागि अनुदान दिने निर्णय गरेको थियो । अहिले प्रावि र निमाविलाई पनि उपलब्ध गराउने भएको हो । विभागको उपनिर्देशक घनश्याम आर्यालका अनुसार माध्यमिक तह शिक्षण सिकाइको अनुदानमा आधारभूत तह (कक्षा १ देखि ५ र कक्षा ६ देखि ८) का लागि समेत रकम थप गरी निकासा गरिएको छ । विभागले उपलब्ध गराएको रकम सम्बन्धित विद्यालयलाई दिन समेत अनुरोध गरेको छ ।

अनुदान प्राप्त गर्ने सामुदायिक विद्यालयहरु नियमानुसार अनुमति प्राप्त गरी कम्तिमा ३ शैक्षिक सत्र सञ्चालन भएको हुनु पर्नेछ । विद्यालयहरुले शैक्षिक सत्र गणना गर्दा ०७४ समेतलाई गणना गर्ने । विभागले निकास गरेको रकमबाट शैक्षिक सत्र ०७५ का लागि आधारभूत तह (कक्षा ६ देखि ८) र माध्यमिक तह (९ देखि १०) का लागि गणित, विज्ञान वा अंग्रेजी विषयको शिक्षकको व्यवस्था गर्नुपर्नेछ । विभागले विद्यार्थी संख्या र विद्यालय स्थापना भएको आधारमा क्रम निर्धारण गरी अनुदान दिने जनाएको छ ।

अनुदान प्राप्त गर्न विद्यालयमा नियमितरुपमा लेखा परीक्षण तथा सामाजिक परीक्षण भएको हुनुपर्ने छ ।

 

 

 

    Comment Here!

Related NEWS
मुख्य खबर

सबै विकास क्षेत्रको मावि तहको नेपाली विषयको नतिजा सार्वजनिक, नतिजा सहित

काठमाडौं/१२ चैत– शिक्षा सेवा आयोगले अस्थायी शिक्षकको माध्यमिक तहको नेपाली विषयको सबै विकास क्षेत्रको नतिजा

कखरा सिकाउने गीत, हेर्नुहोस लोकभाका यस्तो छ गीत

काठमाडाैं,  १२ चैत – तपाई बालबालिकालाई अक्षर कसरी चिनाउनुहुन्छ ? कसरी लेख्न लगाउनु हुन्छ ?

Read more
ताजा अपडेट
Optimization WordPress Plugins & Solutions by W3 EDGE