एन–प्याब्सनको आयोजनामा अन्तर–विद्यालय लोकनृत्य प्रतियोगिता हुने

प्रकाशित मिति :2018-08-12 12:43:26

काठमाडौं/२७ साउन– राष्ट्रिय निजी तथा आवासीय विद्यालय एसोसिएसन र नेशनल प्याब्सन काठमाडौंले संयुक्त रुपमा जिल्लास्तरीय अन्तर–विद्यालय लोकनृत्य प्रतियोगिता आयोजना गर्ने भएका छन् । मौलिक कला र संस्कृतिको संरक्षण र सम्बद्धन गर्ने उद्देश्यले साउन २९ गते आयोजना गर्न लागिएको प्याब्सन काठमाडौंले जानकारी दिएको छ ।

प्रतियोगितामा कक्षा ६ देखि १० सम्मका विद्यार्थीहरुले सहभागिता जनाउने पाउने छन् । उत्कृष्ट हुने विद्यार्थीहरुलाई नगदसहित ट्रफी प्रदान गरिनेछ । प्रथम हुने विद्यार्थीलाई १० हजार, द्वितीय हुनेलाई ७ हजार र तृतीय हुने प्रतियोगीलाई ५ हजार रुपैयाँ नगद प्रदान गरिनेछ ।

सान्त्वना र अन्य विभिन्न विधिमा उत्कृष्ट हुने ६ वटा विद्यालयलाई ट्रफी तथा प्रमाणपत्र वितरण गरिनेछ । यसैका साथ उत्कृष्ट १ जान नृत्य निर्देशक र एक–एक जना उत्कृष्ट नृत्यांगाना छनोट गरी ट्रफी र प्रमाणपत्र प्रदान गरिने आयोजकले जानकारी दिएको छ ।

कार्यक्रमका संयोजक गेन्द्र लामाका अनुसार प्रतियोगिताले विद्यार्थीहरुलाई प्रोत्साहन प्रदान गर्ने छ । भन्छन्, “पछिलो समयमा पश्चिमा संस्कृतिले हाम्रो संस्कृति लोप हुने अवस्थामा पुगिरहेको समयमा हामीले सचेत गराउन कार्यक्रम आयोजना गरेका हौं ।”

कार्यक्रमले लोक संस्कृतिको जगेर्ना गर्न सहयोगी भूमिका निर्वाह गर्ने उनको भनाइ छ । कार्यक्रम संस्कृति संस्थान राष्ट्रिय नाचघर जमलमा हुनेछ ।

 

 

 

    Comment Here!

Related NEWS
मुख्य खबर

कक्षाकोठामा प्रवेश गरी प्रिन्सिपलकाे हत्या

काठमाडौं/२९ असोज– भारतको नयाँ दिल्लीको अग्रहरा दसरहल्ली उपनगरमा रहेको हवानुर पब्लिक स्कुलमा कक्षा कोठमा पढाउँदै

एमबीबीएस अध्ययन शुल्क नबढाने

काठमाडौं/२९ असोज– सरकारले एमबीबीएस अध्ययनको शुल्क नबढाउने निर्णय गरेको छ । आईतबार बसेको मन्त्रिपरिषद्को बैठकले

Read more
ताजा अपडेट
Optimization WordPress Plugins & Solutions by W3 EDGE