फेरि सर्ने भयो कक्षा ११ को बोर्ड परीक्षा

प्रकाशित मिति :2017-05-29 10:51:13

काठमाडौं/दोस्रो चरणको स्थानीय तहको निर्वाचन १० दिन पछाडि सरेसँगै कक्षा ११ को परीक्षा प्रभावित हुने भएको छ । राष्ट्रिय परीक्षा बोर्डका सदस्य सचिव डिल्लीराम रिमालले आज सोमबार सार्वजनिक बिदा भएकाले मंगलबार मात्रै बोर्डको बैठक बसी नयाँ निर्णय गर्ने जानकारी दिए । उनले भने, “निर्वाचनमा परीक्षा सम्भव छैन, नयाँ मिति छिट्टै तय गरिनेछ ।”
यस अगाडि पहिलो चरणको निर्वाचनका कारण बैशाख २४ गतेदेखि हुने भनिएको कक्षा ११ को बोर्ड परीक्षा असार १ गतेदेखिका लागि सारिएको थियो । तर, दोस्रो चरणको निर्वाचन जेठ ३१ गतेदेखि हुने तय भएसँगै बोर्डले असार ८ गतेदेखि हुने गरी परीक्षा नयाँ मिति तोकेको थियो ।
तर, मन्त्रिपरिषद्को सोमबारको बैठकले दोस्रो चरणको निर्वाचन १० पछि असार ९ गतेदेखि गर्ने निर्णय गरेसँगै कक्षा ११ को बोर्ड परीक्षा प्रभावित हुने भएको हो । मंगलबार बस्ने बैठकले एक, दुई विषय मात्रै हेरफेर गर्ने कि पूरै परीक्षा नै सार्ने भन्नेबारे निर्णय गर्ने रिमालले जानकारी दिए ।

    Comment Here!

Related NEWS
मुख्य खबर

यी हुन सबैभन्दा महंगा स्कूलहरु, भर्ना मै लाखाै असुल्छन

हरेक वर्ष शैक्षिक सत्रको सुरुवातमा निजी विद्यालयहरुले लिने शुल्कको विषयलाई लिएर विवाद निस्कन्छ । हरेक

बसको ठक्करबाट बालिकाको मृत्यु, यातायात ठप्प

काठमाडौं/बैशाख ९– बर्दियाको राजापुर क्षेत्रमा बसको ठक्करबाट बालिकाको मृत्यु भएपछि यातायात ठप्प भएको छ ।

Read more
ताजा अपडेट
Optimization WordPress Plugins & Solutions by W3 EDGE