पोखरा, माघ ९ गते । पोखरा-४ मा गैह्रापाटनस्थित कुमुदिनी होम्स माध्यमिक विद्यालयमा श्रीपञ्चमीका अवसरमा सरस्वती पूजा र आरती सम्पन्न भएको छ ।
विगतमा जस्तै यसपालि
पनि फेवाताल बाराही घाटका आरती टोलीका पण्डितहरू निगम उपाध्याय, परागत तिमिल्सिना, अर्जुन पौडेल र सहदेव न्यौपानेको
टोलीले आरती प्रस्तुत गरेका थिए । विद्यार्थी तथा अभिभावकहरूको बाक्लो सहभागिता
रहेको पूजामा तथा आरतीमा मन्टेश्वरीका विद्यार्थीहरूले सरस्वती मन्त्रोच्चारण
गरेका गरेका थिए भने कक्षा ९ का विद्यार्थीहरू आभना विश्वकर्मा र एन्जिला गुरुङले
सरस्वतीको महिमाका बारेमा कविता वाचन समेत गरेका थिए । त्यस्तै सरस्वती वन्दनामा
विद्यार्थीहरूले नृत्य प्रस्तुत गरेका थिए । अक्षरारम्भका लागि शुभ मानिने भएकाले
पनि यस अवधिमा करिब २५ भन्दा बढी बालबालिकाहरू अक्षरारम्भ कार्यक्रममा सहभागी भएको
मन्टेश्वरी इन्चार्ज अमृता आलेले जानकारी दिइन् ।
