काठमाडौँ, असार २३ गते । माध्यमिक शिक्षा परीक्षा (एसईई)
२०८२ को ग्रेडवृद्धि (पूरक) परीक्षाको नतिजा मङ्गलवार सार्वजनिक गरिएको छ ।
ग्रेडवृद्धि परीक्षामा १ लाख २९ हजार ११४ जना विद्यार्थी
सहभागी भएकामा ८३ हजार ५२३ जना अर्थात् ६४.६९ प्रतिशत विद्यार्थी उत्तीर्ण भएका राष्ट्रिय
परीक्षा बोर्डले जानकारी दिएको छ ।
उत्तीर्ण भएकामध्ये ५१ हजार ४३८ विद्यार्थीले २.४० देखि
२.८० सम्म जीपीए प्राप्त गरेका छन् । त्यस्तै १६ हजार ४६७ जनाले २.८० देखि ३.२०, १४
हजार ३६२ जनाले २.०० देखि २.४०, १ हजार १९५ जनाले ३.२०
देखि ३.६०, ४५ जनाले १.६० देखि २.०० तथा १६ जनाले
३.६० देखि ४.०० जीपीए हासिल गरेका छन् । ०.८०–१.२० र १.२०–१.६० जीपीए प्राप्त
गर्ने विद्यार्थी भने छैनन् ।
परीक्षाको मर्यादाविपरीत कार्य गरेको भन्दै
केन्द्राध्यक्षबाट सिफारिस गरिएका ७ जना परीक्षार्थीको परीक्षा रद्द गरिएको
बोर्डले जनाएको छ ।
