पोखरा, फागुन ७ गते । कास्कीको रूपा गाउँपालिका-४, माउडाँडास्थित कल्प आधारभूत विद्यालयका विद्यार्थीलाई न्यानो कपडा वितरण गरिएको छ ।
नेपाल
शिक्षक सङ्घ, कास्कीका पूर्वअध्यक्ष विजयराज भण्डारीले विद्यार्थीहरूलाई पोसाक
वितरण गरेका हुन् । जनप्रकाश बहुमुखी
क्याम्पस, भण्डारढीकका सञ्चालक समितिका अध्यक्षसमेत रहेका भण्डारीले
आफू शिक्षण पेसाबाट निवृत्त भएको व्यक्ति भएकाले पनि विद्यार्थीका लागि सहयोग गर्न
पाउँदा आत्मसन्तुष्टि प्राप्त हुने अनुभव सुनाए । उनले यसअगि पनि व्यक्तिगत खर्चमै
विभिन्न विद्यालयका विद्यार्थीहरूलाई पोसाक वितरण गर्दै आएका छन् ।
नेपाल
शिक्षक सङ्घ, रूपाका अध्यक्ष चन्द्रमणि पौडेलको
संयोजनमा भएको कार्यक्रममा विद्यालयका व्यवस्थापन समितिका अध्यक्ष
कृष्णबहादुर शाही, शिक्षक अभिभावक सङ्घका अध्यक्ष राजविरसिंहलगायतले धन्यवाद
ज्ञापन गरे ।
