पोखरा, चैत ६ गते । पोखरा महानगरपालिका वडा नं.४ मा अवस्थित कुमुदिनी होम्स माध्यमिक विद्यालयमा पाइला फाउण्डेसन नेपालसँगको सहकार्यमा बिहिवार विद्यार्थीहरूले विभिन्न पुस्तकहरूमाथि परिचर्चा गरेका छन् ।
विद्यालय संस्थापक मीना
पालिखेको प्रमुख आतिथ्यमा सम्पन्न कार्यक्रममा आधारभूत तहअन्तर्गत कक्षा ६ र ७ मा
अध्ययनरत विद्यार्थीहरूमध्ये १७ जना विद्यार्थीहरूले आफूले पढेका विभिन्न विधाका
पुस्तकहरूमा आफ्ना अभिभावकहरूको उपस्थितिमा
आआफ्ना अवधारणा प्रस्तुत गरेका थिए । कार्यक्रमका बारेमा विद्यालयका सहप्राचार्य
मुकेशकुमार अधिकारीले प्रकाश पारेका थिए । कार्यक्रममा अभिभावकहरूका तर्फबाट
प्रविण महाजन, सन्ध्या गुरुङ, सम्झना
श्रेष्ठलगायतले विद्यार्थीका प्रस्तुतिको
प्रशंसा गरेका थिए । त्यस्तै फाउण्डेसनका सिइओ नरेन्द्रकुमार नगरकोटीले खास गरी
आफूहरूले 'रिडिङ कल्चर' को क्षेत्रमा
काम गरिरहेको र त्यसमा विद्यार्थीहरूको उत्साहजनक सहभागिताले थप ऊर्जा मिलेको बताए
। आजका विद्यार्थीमा सिर्जनात्मक क्षमतामा कमी आइरहेको परिप्रेक्षमा अध्ययनशील
बानीको विकास गर्न सकिएमा त्यसले उपलब्धि दिन सक्नेमा उनको जोड थियो ।
आधारभूत तह इन्चार्ज
सजनी माजु श्रेष्ठको अध्यक्षतामा सम्पन्न कार्यक्रम विद्यार्थीहरू सम्मान गुरुङ र
समृद्धि महाजनको सञ्चालनमा सम्पन्न भएको शिक्षक सुरेन्द्र सदिच्छाले जानकारी दिए ।
