अरुको परीक्षा दिने र दिन लगाउने परीक्षार्थी पक्राउ

प्रकाशित मिति :2018-08-12 05:27:39

Image result for नक्कली परीक्षार्थी पक्राउ

काठमाडौं/२७ साउन– धादिङको सदरमुकाम धादिङवेशीमा रहेको नीलकण्ठ माध्यमिक विद्यालय परीक्षा केन्द्रबाट अर्काको परीक्षा दिइरहेका परीक्षार्थीलाई प्रहरीले पक्राउ गरेको छ ।
शनिबार भएको एसईईको ग्रेड बृद्धिको विज्ञान विषयको परीक्षामा अरुको नाममा परीक्षा दिइरहेका विक्रम गुरुङलाई प्रहरीले पक्राउ गरेको हो ।
परीक्षामा सहभागी हुनुपर्ने ०२६१४२३‘एस’ सिम्बोल नम्बरका मिलन घिमिरेको सट्टामा ०२६१४०३‘वाइ’ सिम्बोल नम्बर भएको विक्रम गुरुङलाई परीक्षा दिइरहेको समयमा जिल्ला प्रहरी कार्यालय धादिङले पक्राउ गरेको थियो । सक्कली तथा नक्कली दुवै जना परीक्षार्थीलाई जिल्ला प्रहरी कार्यालय धादिङले हिरासतमा राखेको छ । प्रहरी कार्यालय धादिङले नक्कली परीक्षार्थीलाई सार्वजनिक अपराध अन्तरगत कारवाही प्रक्रिया अघि बढाउने जनाएको छ ।
केन्द्राध्यक्ष निर्देशिकका अनुसार आफ्नो सट्टामा अरुले नै परीक्षा दिइएको खण्डमा सक्कली परीक्षार्थीलाई तत्काल परीक्षाबाट निलक्बन गरी अधिकतम २ वर्षसम्म कुनैपनि परीक्षामा सहभागी हुन नपाउने गरी दण्डित गर्न परीक्षा नियन्त्रण कार्यालयमा सिफारिस गर्नुपर्ने नियममा उल्लेख छ ।
गल्छी गाउँपालिकामा रहेको जनकल्याण माध्यमिक विद्यालयमा अध्ययनरत विद्यार्थीहरु गुरुङ र घिमिरेले शुक्रबार गणित विषयको परीक्षा दिएका थिए । शनिबार विज्ञान विषयको परीक्षामा दिनका लागि आफू बिरामी भएकाले साथीलाई दिन पठाएको सक्कली परीक्षार्थी घिमिरेले बताएका छन् ।

 

 

 

    Comment Here!

Related NEWS
मुख्य खबर

माघमा १४ हजार पदका लागि लोकसेवाको विज्ञापन खुल्ने

काठमाडौं/१ पुस– सरकारले कर्मचारी समायोजनलगत्तै कम्तीमा १४ हजार पदमा लोकसेवाको विज्ञापन खुलाउने कार्ययोजना तयार पारेको

स्कुल खबरको मोटिभेसन कार्यक्रम सिद्धार्थ विद्यापीठमा

काठमाडौं/१ पुस– स्कुल खबर म्याग्जिनले शुक्रबार सिद्धार्थ विद्यापीठमा आयोजना गरेको एक दिने मोटिभेसन कार्यक्रम सम्पन्न

Read more
ताजा अपडेट
Optimization WordPress Plugins & Solutions by W3 EDGE