चितवनको कृषि विश्वविद्यालयमा तोडफोड र आगजनी, लाखौंको नोक्सान १० जना पक्राउ

प्रकाशित मिति :2018-11-14 06:31:48


काठमाडौं/२८ कात्तिक–चितवनको कृषि तथा वन विश्वविद्यालयमा पूर्वाधारबिना निजी कलेजलाई भर्नाका लागि अनुमति दिएको विरोधमा विद्यार्थीले मंगलबार साँझ डीनको कार्यकक्ष तोडफोड गर्दै विश्वविद्यालयमा आगजनी गरेका छन् । आगजनी र तोडफोडबाट लाखौंको नोक्सानी भएको विश्वविद्यालयले जनाएको छ ।
विश्वविद्यालयको पछाडीबाट प्रवेश गरेका विद्यार्थीहरुले विश्वविद्यालयको केन्द्रीय कार्यालय भवनको मुल गेट र परीक्षा नियन्त्रण कार्यालयमा आगजनी गरेका हुन् । आगजनीबाट परीक्षा नियन्त्रण कार्यालयको तल्लो तलामा क्षति पुगेको छ । उनीहरुले विश्वविद्यालयका झ्यालका सिसा समेत फुटाएका छन् ।
विद्यार्थीहरुले पेट्रोल छर्किएर आगो लगाउनुका साथै कार्यालयभित्रै टायरसमेत बालेका थिए । विश्वविद्यालयका सुरक्षाकर्मी र प्रहरीको सहयोगमा आगो नियन्त्रणमा लिइएको थियो ।
प्रहरीका अनुसार विद्यार्थीहरुले विश्वविद्यालयको होस्टेलमा बसेर आगजनीको योजना बनाएका थिए । प्रहरीले तोडफोड र आगजनीमा संलग्न भएको आरोपमा १० जनालाई पक्राउ थियो भने ती मध्ये २ जनालाई छाडिदिएको छ । प्रहरीले घटना बारेमा थप अनुसन्धान गरिरहेको छ ।
दुई वर्षअघि मात्रै सञ्चालनमा आएको विश्वविद्यालयको परीक्षा नियन्त्रण कार्यालय भवनमा दोस्रोपटक आगजनी भएको हो ।

 

 

 

    Comment Here!

Related NEWS
मुख्य खबर

त्रिविमा प्राइभेट परीक्षा नरोक्न विद्यार्थी संगठनको माग

काठमाडौं/२४ मंसिर–त्रिभुवन विश्वविद्यालयमा स्नातकोत्तर तहमा प्राइभेट परीक्षा नरोक्न विद्यार्थी संगठनहरुले माग गरेका छन् । त्रिविले

त्रिविको ४४ औं दीक्षान्त समारोहमा दीक्षान्त पदक एंव पुरस्कार प्राप्त गर्ने विद्यार्थीको नामावाली सार्वजनिक, नामावाली सहित

काठमाडौं/२४ मंसिर– त्रिभुवन विश्वविद्यालयले पुस १६ गते हुने ४४ औं दीक्षान्त समारोहमा दीक्षान्त पदक एंव

Read more
ताजा अपडेट
Optimization WordPress Plugins & Solutions by W3 EDGE