चुनाव भए पनि कोरिया भाषा परीक्षा नरोकिने

प्रकाशित मिति :2017-05-06 10:57:53

काठमाडौं/स्थानीय निर्वाचनका कारण विद्यालय बन्द तथा कक्षा ११ को परीक्षा सरे पनि कोरियन भाषाको परीक्षा भने स्थगीत नहुने भएको छ । रोजगारका लागि दक्षिण कोरिया जान चाहने नेपालीको भाषा परीक्षा चुनावको मुख मै भए पनि नरोकिने भएको हो ।
स्थानीय तहको दोस्रो चरणको निर्वाचन जेठ ३१ गते हुँदैछ । भाषा परीक्षा भने त्यसको केही दिन अगाडि जेठ २७ र २८ गते सञ्चालन हुँदैछ ।
“परीक्षा निर्धारित समय मै हुन्छ” ईपीएस शाखाका निर्देशक बाबुराम खतिवडाले भने, “ढुक्क भएर तयारी गर्दा हुन्छ ।”
यो वर्ष भाषा परीक्षाका लागि ७५ हजार ६ सयभन्दा बढी युवाले आवेदन दिएका छन् । त्यसमध्ये झण्डै ४ सयको फारम अवैध भएकाले खारेज गरिएको छ ।
कोरियाले यो पटक १० हजार २ सय नेपालीलाई लैजानेछ । गत वर्ष ३५ सयका लागि संख्या ६० हजार परीक्षार्थी सहभागी भएका थिए । तर, यो पटक कोटा बढेका कारण पनि धेरैको आवेदन परेको छ । यसपटक अनलाइनमार्फत आवेदन लिइएको थियो ।
कोरिया जानका लागि उत्पादनमूलक समूहमा २४ हजार ३८७ जनाले आवेदन दिएका छन् भने कृषि समूहमा ५१ हजार २२० जनको आवेदन परेको छ ।
यो वर्ष परीक्षा दिनेमध्येबाट कृषितर्फ ६ हजार २ सय र उत्पादनमूलक क्षेत्रतर्फ ४ हजार कामदार उर्त्तीण हुनेछन् ।

 

 

 

    Comment Here!

Related NEWS
मुख्य खबर

माघमा १४ हजार पदका लागि लोकसेवाको विज्ञापन खुल्ने

काठमाडौं/१ पुस– सरकारले कर्मचारी समायोजनलगत्तै कम्तीमा १४ हजार पदमा लोकसेवाको विज्ञापन खुलाउने कार्ययोजना तयार पारेको

स्कुल खबरको मोटिभेसन कार्यक्रम सिद्धार्थ विद्यापीठमा

काठमाडौं/१ पुस– स्कुल खबर म्याग्जिनले शुक्रबार सिद्धार्थ विद्यापीठमा आयोजना गरेको एक दिने मोटिभेसन कार्यक्रम सम्पन्न

Read more
ताजा अपडेट
Optimization WordPress Plugins & Solutions by W3 EDGE