अष्ट्रेलिया पढ्न जानु अगाडि जान्नै पर्ने १० कुरा

प्रकाशित मिति :2017-10-12 09:10:57

सन्तोष प्याकुरेल
महासचिव, नेपाल शैक्षिक परामर्श संघ (इक्यान)
सञ्चालक, कमन फाउण्डेसन प्रालि

१) विश्वविद्यालय तथा कलेजबारे सबै जानकारी हासिल गरौ
विदेशी विद्यार्थीलाई लक्षित गर्दै विश्वविद्यालय तथा कलेजहरुले आफ्नो जानकारी वेवसाइटमा राखेका हुन्छन । यदि विद्यार्थीले उपस्थितीका लागि शुल्क तिरेको छ भने उसले इमेलमार्फत वा ओरिएन्टेसनको समयमा जानकारी प्राप्त गर्छ । यससँगै विश्वविद्यालय वा कलेजले उपलब्ध गराउने सबै खाले सेवा सुविधासँगै स्रोतबारे विद्यार्थीले आफूलाई परिचित गराउनुपर्छ ।

२) आवास छान्ने अधिकार जान्ने, खासगरी कलेजको होस्टल बाहिर बस्ने हो भने ।
अष्ट्रेलियामा विद्यार्थीका लागि आवासका विभिन्न सुविधाहरु उपलब्ध छन् । बोर्डिङ, होमस्टे, हाउस सिटिङ, सेयरिङ, रेन्टिङ, परिवार तथा साथीसँग बस्ने लगायत विभिन्न आवासका विकल्प हुन्छन् । धेरैजसो विद्यालय, कलेज तथा विश्वविद्यालयले ‘आवास सेवा’ विभाग स्थापना गरेका हुन्छन् जस्ले जानकारी र सहायता उपलब्ध गराउँछन् । विद्यार्थीले सम्झौतापत्रमा हस्ताक्षर गर्नु अगाडि अधिकार र उत्तरदायित्व पुस्तिका पढ्नु जरुरी छ ।

३) सबैखाले जानकारी लिखित रुपमा प्राप्त गरेकोबारे सुनिश्चित गर्ने
कलेज वा विश्वविद्यालयले दिने हरेक जानकारी सूचना लिखित रुपमा प्राप्त गरेको बारे आफू सुनिश्चत हुनुपर्छ । किनभने सबै मौखिक सम्झौता प्रमाणि गर्न गाह्रो हुन्छ । विद्यार्थीले आवास तथा खर्चबारे सबै सञ्चारको लिखित प्रतिलिपी राख्नुपर्छ ।

४) विद्यालय भित्र तथा बाहिर थुप्रै नयाँ साथीहरु बनाउने ः
नयाँ विद्यालयमा जाने विद्यार्थीका लागि यो कुरा महत्वपूर्ण छ । यसले विद्यार्थीलाई विविध पृष्ठभूमिका साथी भेटाउन मद्दत गर्छ । यसले नयाँ संस्कृतिमा मिश्रित हुन र बुझ्न सहयोग गर्छ । अष्ट्रेलिया एउटा बहुसांस्कृतिक समाज भएको देश भएकाले नयाँ साथी बनाउँदा आफूलाई उक्त समाजमा समायोजन गर्न सजिलो हुन्छ ।

५) चूनौतीसँग सामना गर्न तयार रहने
अष्ट्रेलिया मात्रै होइन जुन सुकै देशमा प्रवेश गर्ने नवप्रवेशीहरुलाई घुलमिल हुनु गाह्रो हुन्छ । विभिन्न खाले चूनौतीहरु आइपर्छन । भाषाको समस्यादेखि, विभिन्न प्रकारका समस्याहरु चूनौती बनेर आइदिन्छन् । आफ्ने लक्ष्यप्राप्तीका लागि ती सबै खाले अप्ठ्यारा चूनौतीहरुको सामना गर्ने क्षमता आफूमा हुनु जरुरी छ ।

६) आफूलाई आवश्यक परेका बेलामा प्रश्न सोध्ने र सहयोग माग्ने ः
नजानेको कुरामा प्रश्न सोधै । आफू विश्वस्त नभएको कुरामा प्रश्न सोधेर सूचना ग्रहण गर्नु निकै जरुरी छ । नजान्नु समस्या होइन । प्रश्न नसोधी नजान्ने बनिरहनु कमजोरी हो । विद्यार्थीलाई सबै जानकारी जान्नु आवश्यक छैन तर सबै जानकारी प्राप्त गर्ने कुशलता भने हुनु जरुरी छ । आवश्यक परेको खण्डमा विद्यालयको आधिकारिक व्यक्तिसँग परामर्श लिनुपर्छ । ताकी भविष्यमा कुनै पनि समस्या नआओस ।
७) स्थानीय समूदायबारे जानकारी राख्ने
कुनै पनि नयाँ ठाउँमा समायोजना हुने सबैभन्दा सजिलो तरिका त्यहाँको भाषा हो । भाषा जानेपछि त्यहाँको सस्कृति, रहनसहन, बसोबासबारे जानकारी लिने । आफूलाई पनि स्थानीय सरह नै ठाल्ने प्रयास गर्ने । यसो गर्दा स्थानीय समाजप्रति अपनत्वको विकास हुन्छ । स्थानीय जनतासँग घुलमिल हुँदा विश्वास बढी हुन्छ ।

८) गतिशिलताका लागि आफ्ना सबै यातायातको मोडबारे जान्ने
यातायात आवश्यक वस्तु हो । विद्यार्थीले आफ्नो विद्यालय जाने विभिन्न बाटोबारे थाहा पाउनु पर्छ । जस्तैः बस, रेल, ट्याक्सी, साइकल इत्यादि । यातायातको विभिन्न बाटो थाहा पाउन अथवा विभिन्न रुट पत्ता लगाउनमा विद्यार्थीले केहि समय खर्चिनु पर्छ । केही स्थानीय सडक नक्सा खरिद गर्ने ।
९) आफ्नो पछिल्लो ठाउँमा रहेका परिवार तथा साथीसँग सम्पर्कमा रहने ः
परिवारको महत्व बुझ्नु धेरै जरुरी छ । यदि आफ्नो नयाँ गतिविधिबारे पूर्ण रुपमा जानकार हुनुहुन्न भने भाग लिनु अघि अझ बढी जानकारी प्राप्त गर्नुपर्छ । आफ्नो खर्च कम गर्ने र निःशुल्क अनलाइन सेवाको सहायता लिने ।

१०) आफूलाई नियमित रुपमा आनन्द प्राप्त हुने कुराहरु गर्ने
विद्यार्थीले कक्षामा समयमा पुग्नु बाहेक नयाँ वातावरणको आनन्द लिन भने नभुल्ने । खेलकुद अभ्यास गर्ने नियमित बानी अथवा आफ्नो मनपर्ने कुरा भएका रेस्टुराँमा बस्न पनि सकिन्छ ।

    Comment Here!

Related NEWS
मुख्य खबर

सामूदायिक विद्यालयमा सीसीटीभीको जडान

झापा/झापाकाे मेचीनगर– १३ स्थित इँटाभट्टाको सामूदायिक विद्यालयमा करिब दुई लाख खर्च गरी ९ थान सीसी

आक्रोशित बिद्यार्थीद्वारा पूर्वाञ्चल विश्वबिद्यालय तोडफोड

परीक्षा रद्ध गर्न माग गर्दै आन्दोलनमा उत्रिएका आक्रोशित विद्यार्थीले मोरङ गोठगाँउमा रहेका पूर्वाञ्चल विश्वविद्यालयको कार्यालयमा

Read more
ताजा अपडेट
Optimization WordPress Plugins & Solutions by W3 EDGE